TTAADCni Phaichingtwi Haste Beremni TRING TER Palaijaknai Khumulwngo

20 December 2023, Khumulwng : Tripura Tribal Aeeas Autonomous District Council, Administrationni phaichingtwi phainai 21st December salmarin...

20 December 2023, Khumulwng: Tripura Tribal Aeeas Autonomous District Council, Administrationni phaichingtwi phainai 21st December salmarini horni damchichar jorani siming haste beremni TRING Ter palaijaknai Khumulwngni Motorstand Ground daiyo.

Administrative Advisory Reforms Committeeni kasku bobagra Pradyot Kishore Manikya i TRING Ter palaima panano chengoi ronai.

Chorok Tiprasa Hodani Hodaokrarok i tergo naruaiokra ongoi majakphainai.

Bini badebo TTAADCni CEM Purna Chandra Jamatia, Tripura Legislative Assemblyni kebengnai bodolni ojama Animesh Debbarma i tergo boromgnang naruai ongoi majakphainai.

TTAADCni Chief Executive Member C.K Jamatia, IAS bai Chief Legal Advisory Data Mohan Jamatia i tergo naruaimotom ongoi majakphainai.

Panani achokphang ongoi achoknai TTAADCni kokthum hukumu bedekni chariphang adong Suhel Debbarma.

TTAADC Administration bai songchajak i TRING Tergo chorok lukurok phai majaknai bagoi haido khlai ringkhoka TTAADCni kokthum hukumu bedekni habaphang Chitta Debbarma.