TCBni 35th Songchama Sal Palaijakkha aro Ratannagar Moyal Committee Khajakkha

20 December 2023, Gondatwisa: thangnai 17 December salmarigo Dhalai hangkorni Gondatwisa bwkhaksteni Ratannagaro palaijakkha Tripura Chubala...

20 December 2023, Gondatwisa: thangnai 17 December salmarigo Dhalai hangkorni Gondatwisa bwkhaksteni Ratannagaro palaijakkha Tripura Chubalai Buthu (TCB)ni bisi thamchiba songchama sal. 

I sal palai rwgwi songchajak panago naruaiokra ongoi majakkha Tripura dophani Naran Birendra Tripura. 

Tripura Chubalai Buthu, Central Committeeni tangphang Taranisen Tripura, Central Committeeni rangphang Damodhar Tripura, Gondatwisa Moyalni Pomang Saral Mohan Tripura, Ratannagar Moyalni Pomang Hemanta Tripura, Bagirath Moyalni Pomang Dasarani Tripura, TCB Gondatwisa Divisionalni tangphang Ramjoy Tripura song i panago naruai ongoi thangoi majaknai. 

Panani achokphang ongoi achokkha kacham Roaja Chiran Joy Tripura bai Sukhi Mohan Tripura. 

TCBni songchama sal palaima rwgwi songchajak i kokma-laima panago TCBni Ratannagar Committee katal khlaiywi committee khajakkha aro Ratannagar Moyalni Committee khajakkha. Iboni loge Moyalni Roaja, Dabeng, Karbarirok chongoi rojakkha. Bini badebo I kokmalaima panago rwng, hoda-hukumu, amani kokni hamkraini bagoi kuthunglaiywi samwng khlainani bagoi kokchaplaijakkha. Aro Roajaroknobo Certificate tisagwi rojakkha.