20 December 2023, Khumulwng: TTAADC hapang bai songchajak poila TIPRA IDOL 2023, SESSION-I bataimwngo kaplai ongkha Rupesh Debbarma. Bataim...
Bataimwngo 1st Runner-up ongkha Rahel Koloi aro 2nd Runner-up ongkha Susmita Debbarma.
I bataimwng daiyo kaplai ongnai Rupesh Debbarmano rang khok rasai (1 lac)ni cheque, trophy aro guitar yapharjakkha. Logego yapharjakkha kaisa scooty. Bini yago i dasonrokno tisagwi rokha TTAADCni CEM Purna Chandra Jamatia.
Bataimwngo 1st Runner-up ongnai Rahel Koloino rang khok bachisai (50,000)ni cheque, trophy aro guitar yapharjakkha. Bini yago dason tisagwi rokha TTAADCni ah bedekni chariphang adong Rajesh Tripura.
Bataimwngo 2nd Runner-up ongnai Susmita Debbarmano rang khok noichibasai (25,000)ni cheque, trophy aro guitar yapharjakkha. Bini yago dason tisagwi rokha TTAADCni kokthum hukumu bedekni chariphang adong Suhel Debbarma.
Bini badebo Top-4 ongnai Basrang Debbarma bai Priya Jamatia, Top-5 ongnai Ishita Tripura, Top-6 ongnai Meheli Debbarma chorokno guitar, rangkhok basaini cheque tisagwi rojakkha.
Top-6 Meheli Debbarmano guitar, rang khok bachisaini cheque tisagwi rokha MDC Umashankar Debbarma
Top-5 Ishita Tripurano guitar, rang khok bachisaini cheque tisagwi rokha MLA Pathanlal Jamatia
Top-4 Basrang Debbarmano guitar, rang khok bachisaini cheque tisagwi rokha CEO C.K Jamatia, IAS
Khumulwngni Syndicate Ground daiyo songchajak tinini i Grand Finalgo naruai ongoi phai majakkha TTAADCni CEM Purna Chandra Jamatia, EM Kamal Koloi, EM Suhel Debbarma, EM Rajesh Tripura, MLA Brishaketu Debbarma, MLA Manav Debbarma, MLA Pathanlal Jamatia, MDC Ganesh Debbarma, MDC Umashankar Debbarma, TTAADC-ni CEO C.K Jamatia, IAS, CLA Data Mohan Jamatia song.
Poila TIPRA IDOL 2023 bataimwngni judge ongnairokni bisingo 1996 bisigo Sangeet Natak Academi dason majak rachapkrwng Hemanta Kumar Jamatia, chakrakuk rachapkrwng Satya Ranjan Debbarma, 2023 bisigo Sangeet Natak dason majak Tipra luku rachapkrwng Tarubala Tripura, rachapkrwng Arun Debbarma, tamkrwng Kwplai Jamatia, muksuma (film) snamkrwng Sarat Reang. Bokno chorokno Risa rogoi borom yapharjakkha TTAADC hapangni bwkhaktwi.
I bataimwngo Gala Roundni siming Grand Final jora naithotok khlai panano kokmithingka Miltan Debbarma.
No comments