19 December 2023, Agartala: Phainai 25 December salmari ebakhlai Christmasni salgo sakni tongkwthar slaiywi Christian tongkwtharo hapjak STr...
19 December 2023, Agartala: Phainai 25 December salmari ebakhlai Christmasni salgo sakni tongkwthar slaiywi Christian tongkwtharo hapjak STrokni sep-sap knoronani rwgwi Agartalani Astabal Ground daiyo 'Delisting Rally' khlainani saklaikha Janajati Suraksha Manch.
O salgo haiyongni loge Tripura haste gnangoi palaijaknai kwthar Christmas Ter. I ter rwgwi Christian tongkwthar bai krwngjak chorok lukurok tongthok-chathokni bisingtwi i salno palailaimani jorago Agartalago 'Delisting Rally' khlaina thangoi hasteni tonghalok deragwiphabo mano.
Aini bagoi hasteni tongkwchang, lukurokni tongkwchangni bagoi 25 December ebakhlai Christmasni salo i 'Delisting Rally' khlainani thangoi tongmano permission roya tongnani bagoi hasteni montriokra Prof. (Dr.) Manik Sahano kokton suika Tripura Legislative Assemblyni kebengnai bodolni ojama Animesh Debbarma.
No comments