SIMNA AMCHAINI HAMKRAINI BAGOI HASTEPHA BAI MALAIKHA MLA BRISHAKETU DEBBARMA

19 December 2023, Agartala:  1 No. Simna Assembly achokthaini hamkraini bagoi o amchokthaini MLA machang Brishaketu Debbarma miya hasteni bo...

19 December 2023, Agartala: 1 No. Simna Assembly achokthaini hamkraini bagoi o amchokthaini MLA machang Brishaketu Debbarma miya hasteni boromgnang hastepha Indra Sena Reddy Nallu bai Raj Bhawango thangoi malaikha. I malaimwngo kokmalama salaimani bjsingtwi kangnoi memorandum balaibo yapharka boromgnang hastephano.

1 No. Simna Assembly achokthai amchaini bigra nukhungni srwngnairok Mohanpur ebakhlai Agartalago thangoi rwng srwngthanigo rangkho-pwichani biyal nujagwk aro o amchaini bisigo khorok 350ni slai rwngsrwngnairok Collegego rwngsrwngoi tongwk. Aini bagoi o amchaini lukurokni gam aro thang-laiso khlaithanigo srwngnairokni jwngjalni yakakni bagoi kaisa Government Degree College tangnani.

Lefunga RD Block, Hezamara RD Block aro TTAADCni kaitham Sub-Zonal krwngjak 1 No. Assembly achokthaiyo amchaini lukurokni samwng-homwng khlaithanigo jwngjal ongyatwi aro samwng-homwngrok arobo klaisa ongnaitwi Barkathal (Kutna) amchaiyo katal SDM Office tangnani, i kainoi bimwngno lagwi memorandum balai yapharka boromgnang hastephani daiyo.