TTAADCni Hamkraini Bagoi Hastepha bai Thangoi Malaikha TTAADC Hapangni Ojamarok

18 November 2023, Agartala: haste hapang jora kalokma rwngwi TTAADC amchaiani hamkraini samwng tangnani bagoi aro Tiprasa lukurokni hamkrai...

18 November 2023, Agartala: haste hapang jora kalokma rwngwi TTAADC amchaiani hamkraini samwng tangnani bagoi aro Tiprasa lukurokni hamkraini bagoi nangmaniswk rangkho-pwicha hoya hinoi koksilchagwi khorang tisagwi phaika Tipra Motha TTAADC hapang. Aini bagoi 4 Nov. hor kuthukma jorago hasteni montriokra Prof. (Dr.) Manik Saha bai achamitini thangoi malaikha bobagra Pradyot Kishore Manikya. I malaimwngo Tripura hasteni Chief Secretarybo tongwk. 

Miyabo TTAADC amchaini hamkraini bagoi kabangma nangmani bimwng biywi TTAADCni CEM Purna Chandra Jamatiani twidulmwng bai Raj Bhawango thangoi hasteni boromgnang hastepha Indra Sena Reddy Nallu bai malaiywi kokmalama salaika aro bimwng balai yaphargwi kabokha.

I malaimwng daiyo TTAADCni EM Kamal Kalai, EM Runiel Debbarma, EM Rabindra Debbarma, EM Ananta Debbarma, EM Suhel DebBarma, EM  Bhaba Ranjan Reang, MDC Debajit Tripura song thangoi majakkha.