Bodolandgo 'Ishan Mushaharyni Bisi Brwichisa Mukumu Sal' Palaima Panago Thangoi Kasokjak TSB Bodol

14 November 2023, Kokrajhar: Assam hasteni Bodolandni Kokrajhar daiyo songchajak srwngnairokni malaimwng panago majakni bagoi thangoi kasokk...

14 November 2023, Kokrajhar: Assam hasteni Bodolandni Kokrajhar daiyo songchajak srwngnairokni malaimwng panago majakni bagoi thangoi kasokka Tripura Swrwngnai Buthu (TSB)ni adongrok.

Phainai 15 Novemberni siming 17 November jora saltam jora rwngwi Kokrajhar Govt. College Bodo Students’ Literary Societyni chaitokmani songchajaknai 'Ishan Mushaharyni Bisi Brwichisa Mukumu Sal' ebakhlai “41st

Ishan Mushahary Memorial Day”. 

I sal palaima panago majakni bagoi thangoi kasokjak Tripura hasteni Tripura dophani srwngnairokni motha 'Tripura Swrwngnai Buthu'ni khorok noichinoi adongni kaisa bodol. Iro Agartala, Gondatwisa, Longtrai Valley Committeeni kwthalaijam TSBni kaisa hukumu bodolbo thangoi sogoikha. Iro kaisa hukumu bodolbo Tripura Swrwngnai Buthuni kasku ebakhlai Chairman, kacham MLA Dhananjoy Tripurani chubamwng bai i bodolno twiduloi tlangkha TSB Gondatwisa Divisional Committeeni adong Rabiswar Tripura.

I panago Bodo, Dimasa, Tripurarokni bisingo kok-kokrabai, hukumu-mukumu, laibumarokno rwgwi kokmalama salailaini bagoi i malaimwng.

TSBni bodol thangoi kasokmani olo tini Bodo dophani srwngnairok bai Tripura dophani srwngnairokni bisingo malailaiywi sinimwng lalaimani olo thainchakhlai pilik bujaklaikha.