6 October 2023, Agartala: paithago Tripura Police bai romjakkha INDEPENDENT NEWS CHANNELni nokphang SAIKAT TALAPATRA. West Bengalni Sodhpur,...
6 October 2023, Agartala: paithago Tripura Police bai romjakkha INDEPENDENT NEWS CHANNELni nokphang SAIKAT TALAPATRA.
West Bengalni Sodhpur, Ghola amchaini siming digital Mafia journalist ebakhlai INDEPENDENT koktma channelni nokphang Saikat Talaptrano romkha Tripura Police.
Bono tini phungni damchi atlogo Kolkatani siming Indigo birkhong bai Agartalago twbwijakkha aro tabok Agartalani New Capital Complex Police Station daiyo tonijakkha hinoi koktma.
Journalist Saikat Talaptrano bo caseni bagoi romkha ibo tabokbo sraichayakho. Mator Indipendent koktma channelni nokphang journalist Saikat Talaptrani sakago hastego kabangma case khlaijak tongwk.
Satai klaiywk, Saikat Talaptra Tripura hasteni kharwi West Bengal hastego thangoi Tripura hasteni kacham montriokra Biplab Kumar Deb, tabokni montriokra Prof. (Dr.) Manik Saha, hani bobagra Pradyot Kishore Manikya, Rajmata Bibhu Kumari Devi aro hasteni kabangma montri, MLA, Businessmanni sakango hamwngsiniya kok silchagwi lachimasangcha khlaiywi aida kok sa-sagwi koktma auaijak. Iboni simingya, Tiprasarokni sakago Bolongni Borok, Chinese Aunty, Chinese hinoi khuk hamyabai kok sagwibo theranjak aro lachimasangcha khlaijak. Social mediani bisingtwi kebo kebono personal attack Khlaiywibo koktma auaimani nujakkha.
Paithago digital mafia journalist Saikat Talaptrano West Bengalni siming romgoi Tripura hastego twbwi phaika Tripura Police. Tabok naithai, Tripura Police aro Court kerong raidatwi bini sakago tma yapri seno.
No comments