Khoroksni Adongno Lagwi Khajakkha Tipra Mothani Central Advisory Committee

6 October 2023, Agartala: paithago khajakkha Tipra Mothani 'Central Advisory Committee'.  Miya Tipra Motha Partyni Ref. No. TIPRA/20...

6 October 2023, Agartala: paithago khajakkha Tipra Mothani 'Central Advisory Committee'. 

Miya Tipra Motha Partyni Ref. No. TIPRA/2023-24/10/P/01, Date: 05th Oct' 2023 Organisational Appointmentni bisingtwi khoroksni adongno lagwi khajakkha i committee.

I committee daiyo achokthai makha hasteni kacham montri Gouri Shankar Reang, kacham MLA Burba Mohan Tripura, suikrwng Narendra Debbarma, TTAADCni kacham EM Chandraday Rupini, S K Darlong, Ranjit Debbarma aro Ramesh Debbarma.

Satai klaiywk, thangnai salkisa sakango Tipra Mothani Central Working Committee khajakkha. I Committeeno kokbiti ronani, Tipra Mothani samwng-homwngno jai-jaikhlai charogoi tisani bagoi Tipra Mothani Central Working Committeeni uansokmani bai Tipra Mothani twiphang Bijoy Kumar Hrangkhawl 'Central Advisory Committee' khago. 

I Committee dadak-sidak Tipra Mothani twiphang Bijoy Kumar Hrangkhawlni daiyo report ronani bagoi sajakkha.