Khna 'Jorani Khorang'ni Bisi Chisa Achaima Sal Palaijaknai

1 October 2023, Agartala:  khna 2nd Oct. ‘Jorani Khorang’ Kokborok kokrabai balaini bisi chisa achaima sal palaijaknai Agartala Kuailwngni D...

1 October 2023, Agartala: khna 2nd Oct. ‘Jorani Khorang’ Kokborok kokrabai balaini bisi chisa achaima sal palaijaknai Agartala Kuailwngni Dasarath Hukumu Srwngnogo.

Khna phurungni damchuku (9 AM) jora atlogo cherairokni rikmwng bataimwng songchajaknai.

Iboni olo sareni dambrwi jorago i achaima sal palaima rwgwi hohom-dodomni bisingtwi pana songchajaknai. 

I panano chengoi ronai aro naruai okra ongoi majakphainai hasteni Tiprasa hamkrai montri Bikash Debbarma.

Tripura hapangni Tribal Research & Cultural Instituteni dagephang Ananda Hari Jamatia, TCS, SSG aro NSD TIE Tripura bedekni dagephang Biplab Borkakoti i panani naruai mutum ongoi majakphainai.

Hasteni bwmwng gnang koklopnaijuk Sefali Debbarma i panago boromgnang naruai ongoi majakphainai. 

Tripura hapangni sakgam aro nukhung hamkrai bedekni haba yakajak dagephang Dr. Satyaranjan Debbarma i panani achokphang ongoi achoknai.

I panago rachapmwng-masamwngni kaisa naithotok hukumu pana songchajaknai aro dason ephajaknai. 

I panago nohkno phai majakni bagoi tini Banmalipurni Rwbainogo songchajak koktmathungnai panani bisingtwi khabai khukbai haido khlaikhoka ‘Jorani Khorang’ kokrabai balaini kokmithingnai Narendra Debbarma. Bini logego tongo suikrwngjuk Shyamali Debbarma.