Chengoi Rojakkha 'Jorani Khorang' Kokrabai Balaini Bisi Chisa Achaima Salni Pana

2 October 2023, Agartala: hohom-dodomni bisingtwi ‘Jorani Khorang’ Kokborok kokrabai balaini bisi chisa achaima sal palaijakma rwgwi pana so...

2 October 2023, Agartala: hohom-dodomni bisingtwi ‘Jorani Khorang’ Kokborok kokrabai balaini bisi chisa achaima sal palaijakma rwgwi pana songchajakkha Agartala Kuailwngni Dasarath Hukumu Srwngnogo.

Tinini i panano chengoi rokha aro naruai okra ongoi majakphaika hasteni Tiprasa hamkrai montri Bikash Debbarma.

Tripura hapangni Tribal Research & Cultural Instituteni dagephang Ananda Hari Jamatia, TCS, SSG i panani naruai mutum ongoi majakphaika.

Hasteni bwmwng gnang koklopnaijuk Sefali Debbarma i panago boromgnang naruai ongoi majakphaika. 

Tripura hapangni sakgam aro nukhung hamkrai bedekni haba yakajak dagephang Dr. Satyaranjan Debbarma i panani achokphang ongoi achokkha.

Panani poila kok larwkkha ‘Jorani Khorang’ kokrabai balaini kokmithingnai Narendra Debbarma.