Jorani Khorang Panago Rikmwng Batailaimwngo Kaplai Ongnairokno Borom Yapharjakkha

3rd October 2923, Agartala:  'Jorani Khorang' kokrabai balaini bisi chisa achaima sal rwgwi songchajak panago kothe kothe kabangma m...

3rd October 2923, Agartala: 'Jorani Khorang' kokrabai balaini bisi chisa achaima sal rwgwi songchajak panago kothe kothe kabangma mukumu dason yapharjakkha. 

Miya Agartalani Dasarath Hukumu Srwngnok daiyo songchajak 'Jorani Khorang'ni panano chengoi rokha aro naruaiokra ongoi thangoi majakkha hasteni Tiprasa hamkrai montri Bikash Debbarma.

I sal palaima rwgwi miya phurung jorago Dasarath Hukumu Srwngnogo cherairokni achogoi rikmwng batailaimwng (Drawing Competition) songchajakkha.

Iro Nursuryni siming KG-II, Class-I ni siming Class-III jorani srwngnairokni bisingo bataimwng songchajakkha. Jomangoi khorok brwichar (48) srwngnairok phaiywi bataiphaika. Iboni bisingo Nursuryni siming KG-II jora batainai khorok noichitham (23) aro Class-I ni siming Class-III jora batainai khorok noichiba (25). 

Nursuryni siming KG-II jorani bataimwngo kaplai ongnairok ongkha-

Chasmai Tripura (1st Position)

Anisha Debbarma (2nd Position)

Mritsa Debbarma (3rd Position)

Nursuryni siming KG-II jorani bataimwngo 1st Position manai Chasmai Tripura

Class-I ni siming Class-III jorani bataimwngo kaplai ongnairok ongkha-

Edward Debbarma (1st Position)

Animari Debbarma (2nd Position)

Salbrum Debbarma (3rd Position).

Kaplai ongnairokno borombalai aro trophy yapharjakkha. Bokno borombalai bai trophy tisagwi rokha Tribal Research and Cultural Instituteni dagephang yakchu Naba Kumar Debbarma.

I rikmwng batailaimwng daiyo batainai chorok srwngnairoknobo borom balai yapharjakkha.