Kaubruno Kokthe Kokni Gosemwng Roni Bagoi Khajakkha Expert Committee

1 October 2023, Agartala: hasteni Reang ebakhlai Brurok jora kalokma rwngwi bokni amani kok Kaubru kothe kok hinoi gosemwng biywi khorang ti...

1 October 2023, Agartala: hasteni Reang ebakhlai Brurok jora kalokma rwngwi bokni amani kok Kaubru kothe kok hinoi gosemwng biywi khorang tisagwi phailaijak. 

Hasteni hastepha, montri, hagarani montrini daiyobo bimwng tisagwi kokton suilaijak. Ibo simingya, Kaubruno gosemwng biywi Tripura Assemblyni Session daiyobo kok tisajakkha. Paithago Kaubruno hasteni kothe kok hinoi gosemwng roni thang-tanigo jai-jai khlai naikolnani bagoi Kaubruni Expert Committee khajakkha. 

Tripura hapangni ‘Directorate of Kokborok & Other Minority Languages’ ni siming No.F.1(204)-KBK-OML/2018/517-589, Date, 30/09/2023 notification balai kareywi khorokchuku adongno lagwi khajakkha i committee. 

MLA Pramod Reangno kasku chongoi khajak i committee daiyo tongnai adongrok ongkha Sharan Kr. Reang (Kaubruni kokrabaiphang), Pabitra Kr. Reang (Kaubruni suikrwng), Dr. Lincoln Reang (Asst. Prof, TU), Tirtharam Reang (Asst. Prof, Govt. Degree College, Santir Bazar), Naresh Chandra Dev Varma (Kokborok suikrwng), Dr. Budhurai Debbarma (Kokborok suikrwng), Rabindra Kishore Debbarma (Kokborok suikrwng) aro Dr. Sayan Choudhury, Associate Professor, BBM College. 

I Committeeni samwng ongkha Kaubru kokno hasteni kothe kokni gosemwng rothanigo rutukrwkmwng aro soisimwngni raidatwi naikolnani.