UTYAni Noiberemni Songchama Sal Palaijakkha Hakutoisago

5 August 2023, Hakutoisa: tini Tripura dophani sikla-chakli bodol United Tripura Youth Association (UTYA)ni 2nd Foundation day ebakhlai noib...

5 August 2023, Hakutoisa: tini Tripura dophani sikla-chakli bodol United Tripura Youth Association (UTYA)ni 2nd Foundation day ebakhlai noiberemni songchama sal hohom-dodomni bisingtwi palaijakkha Hakutoisa Govt. English Medium HS Schoolni thwngkholago.

Panano chengoi rokha North Zoneni Naran yakchu ebakhlai Hakutoisa Moyalni Pomang Burba Mohan Tripura. Panago naruai ongoi phai majakkha Koromtwisa Moyalni Pomang Gasa Kumar Tripura, 48 Karamcherra achokthaini MLA Paul Dangshu, UTYA Central Committee Vice president Kanchan Tripura, Tripura Chubalai Buthu, Central Committeeni tangphang yakchu Charu Kumar Tripura, Social worker Brajalal Tripura, Roaja Manik Kanti Tripura, Social worker Chinta Mohan Tripura, Social worker Abhijit Tripura, Tripura Bwrwi Buthu, Central Committeeni tangphang Nilima Tripura song.

UTYAni songchama sal palaima rwgwi amchaini chakli-siklarokno phekjaknai mandwi-khundwirok bai langchagwi tongronani bagoi Hakutoisago salsani Knockout Football bataimwngbo songchajakkha.