Khumulwngo Songchajakkha Kaiba Kokni Hamkrai Committeeni Kokmalama Pana

5 July 2023, Khumulwng: tini TTAADCni Kokborok and Other Indigenous Languages Departmentni conference hallgo Halam, Chakma, Mog, Garo aro Lu...

5 July 2023, Khumulwng: tini TTAADCni Kokborok and Other Indigenous Languages Departmentni conference hallgo Halam, Chakma, Mog, Garo aro Lushai I kaiba dophani kokni hamkrai committeeni kokmalama pana songchajagwk. 

I kokmalama panano chengoi rokha TTAADCni Kokborok and Other Indigenous Languages Departmentni chariphang adong Rabindra Debbarma.

Phai majakkha TTAADCni kebengnai bodolni ojama Bimal Kanti Chakma. Tangbedekni kacham habaphang Binoy Debbarma. 

I kokmalama panago Halam, Chakma, Mog, Garo aro Lushai I kaiba kokni hamkraini bagoi kokmalama panago phaiywi majakjak naruairok nangmani kok sukrugwi salaikha.

I panano twidulkha aro koklarwkmani bisingtwi chengoi rokha TTAADCni Kokborok and Other Indigenous Languages Departmentni Principal Officer Brijesh Debbarma.