4 August 2023, Bhopal: Miya 3 August 2023 salmarigo Bharat hagarani boromgnangjuk habokhorok Droupadi Murmuni yaktwikhlai Madhya Pradesh has...
4 August 2023, Bhopal: Miya 3 August 2023 salmarigo Bharat hagarani boromgnangjuk habokhorok Droupadi Murmuni yaktwikhlai Madhya Pradesh hasteni Bhopalglni Rabindra Bhawango chengoi rojakkha Asiani jotonislai gara Haiyong Kokrabai Ter ebakhlai International Literature Festival 'UNMESHA' and National Festival of Folk and Tribal Expressions 'UTKSRSHA'' pana.
Sahitya Akademi, Union Ministry of Culture aro Madhya Pradeshni Hukumu Bedek thaincha khlai i panano songchalaikha Bharatni 'Azadi Ka Amrit Mahotsav' rwgwi.
I panago Bharatni boromgnangjuk habokhorok Droupadini logego naruai ongoi phai majakkha Madhya Pradesh hasteni boromgnang hastepha Mangubhai Patel, Madhya Pradeshni montriokra Shivraj Singh Chouhan, Bharat hagara hapangni Ministry of Cultureni Joint Secretary machangjuk Uma Nanduri song. Bokni badebo Sahitya Akademini twiphang Madhav Kaushik, Sangeet Natak Akademini kasku Dr Sandhya Purecha song I panago thangoi majakkha.
Chengsama pana paimani olo Rabindra Bhavanni kothe kothe Auditorium daiyo songchajakkha multilingual poetry readings, short story readings, tribal poets' meet, young writers' meet.
I terni poila salni paithak dain daiyo sareni 5.30 pm-ni siming 7.00 pm jorago TRIBAL POETS' MEET pana songchajakkha. Iro hagarani kabangma kokni koklopnairok thangoi majakkha.
I Tribal Poets' Meet daiyo Tripura hasteni ongoi thangoi majakkha aro koklop sagwi khanarokha koklopnai Lincoln Murasingh. Ibo Tripura hasteni lukurokni bagoi aro chorok Tiprasani bagoi barikhlai khatongjaknai koktma.
Bini badebo Tribal Poets' Meet daiyo koklop sagwi khanaronairokni bisingo tongwk- Gondi kokni koklopnai Basant Kavde, Kaikadi kokni koklopnai Pravin Namdeo Pawar, Mizo kokni koklopnai C. Januari, Khasi kokni koklopnai Minimon Laloo, Tiwa kokni koklopnai Maitrayee Patar, Desia kokni koklopnai Ranjan Mahuria.
I koklop panani achokphang ongoi achokkha Crtstal Cornelious D. Marak.
Bini badebo Cinena & Literature, What Freedom Means to Me, The Idea of India, Global Literature for Globalized World, Importance of Mother Tongues, Ecocriticism, Literature, Doctor Prescribed, Literature and Nature, Ocean Literature, Songs of Madhya Pradesh kokbomano lagwi kokmalama sagwi khnarokha.
Ibo badebo i Haiyong Kokrabai Tergo 'Global Literature for Globalized World' kokbomano lagwi kokmalama sagwi khnaronani bagoi haiyongni kabangma suikrwng, uansokrwng, elemkrwng song phaiywi kasokphaijak. Iboni bisingo tongwk Japanni kokelemkrwng Mami Yamada, Sri Lankani Ashok Ferrey, Fijini Kamlesh Shashi Prakash, Polandni Maria Puri, Spainni Oscar Pujol, Nepalni Tulasi Diwasa song.
Saltam rwngoi songchajak i Haiyong Kokrabai Ter khnano painai.
No comments