5 July 2023, Khumulwng: thangnai 3 July salmarigo Tripura hasteni kacham Law Secretary machang Data Mohan Jamatiano TTAADC hapangni 'Chi...
TTAADC-ni Chief Executive Member machang Purna Chandra Jamatia, EM Kamal Kalai, EM Runeil Debbarma, Councilni Secretary aro Law Departmentni Principal Officer Kesab Debbarma song bono khum risa rogoi borom yapharmani bisingtwi TTAADC hapango lamjogoi bini achokthai daiyo achokrokha.
TTAADC-ni laibumano kerongno naikolni bagoi ibotwi haikla 'Chief Legal Advisor' achokthai daiyo achokromani ibono poila ongkhna.
Barotni elembakni 6th Scheduleni kerong raida rwgwi TTAADC hapangno arobo gamkhlai naikolni bagoi, TTAADCni kerong raidano jai jai khlai charogoi tisani bagoise hasteni kerongkrwng Data Mohan Jamatiano 'Chief Legal Advisor' achokthaigo achokrogo hinoi sagwi khanarokha TTAADCni CEM Purna Chandra Jamatia.
Satai klaiywk, kerongkrwng Data Mohan Jamatia ongkha Tiprasani bisingo poila High Courtni Registrar General achokthai daiyo achokjak khoroksa. Bo Tripura High Courtni Registrar General tongmani. Iboni sakango bo jora kalokma rwngwi Tripura haste hapangni Law Secretarybo tonglangkha.
Kerongkrwng Data Mohan Jamatia bo Udaipurni Ramesh Schoolgo poregwk. Iboni olo Calcutta Universitygo English Graduation khlaiywk aro 1988 bisigo Calcutta Universitygo LLB Degree khlaiywk. Iboni olo 1991 bisigo Tripura Judicial Serviceni bisingtwi Judicial Megistrate ongwk (First Class).
Tiprasarokni bisingo barikhlai kerongkrwng hinoi sinijaknai Data Mohan Jamatiano TTAADC hapangni 'Chief Legal Advor' achokthaigo achokromani bai TTAADCni kerong raidarokno arobo jai jai khlai naikoljaknwk hinoi lukurok kha khlaiywk.
No comments