Phainai 10 July Tiprasani Kaiba Customary Lawno Lagwi Kokmalama Pana Songchajaknai

4 July 2023, Khumulwng : phainai 10 July salmarigo TTAADCni bwkhaktwi Tiprasani kaiba dophani Customary Lawno lagwi kokmalama pana songchaja...

4 July 2023, Khumulwng: phainai 10 July salmarigo TTAADCni bwkhaktwi Tiprasani kaiba dophani Customary Lawno lagwi kokmalama pana songchajakni thangoi tongwk. 

Phurungni 11:30 AM jora atlogo Khumulwngni TTAADCni New Administrative Buildingni Conference Hall-II daiyo kaiba dophani Customary Lawno lagwi kokmalama pana songchajaknai.

I kaiba dopharok ongkha Kaipeng, Molsom, Reang, Debbarma (Tripuri) aro Tripura.

I kokmalama pana TTAADCni sakgam, Tiprasa hamkrai aro beraikhiri bedekni chariphang adong Kamal Kalaini achokphang bai songchajaknai.

I kokmalama panago kaiba dophani Pradhan Samajpati ebakhlai Hodaokra, TTAADCni Chief Executive Officer, Additional Chief Executive Officer, Principal Officer (Law)no phaiywi majakni bagoi tini TTAADCni Tiprasa hamkrai bedekni siming No.F.47 (20)/ADC/PO (TW)/CL/2021/340-54, Dated, 04/07/2023 meeting notice kareywi saklaikha Tiprasa hamkrai bedekni Principal Officer.