Madhyamik-Kuchuk Madhyamik Examinationgo Pass Ongjakrokno Borombalai Yapharka TCB Shantirbazar Moyal

31 July 2023, Shantirbazar: miya 30 July 2023, Tripura Chubalai Buthu, Shantirbazar Moyalni bwkhaktwi takhlai Madhyamik aro Kuchuk Madhyamik...

31 July 2023, Shantirbazar: miya 30 July 2023, Tripura Chubalai Buthu, Shantirbazar Moyalni bwkhaktwi takhlai Madhyamik aro Kuchuk Madhyamik Examination daiyo pass khlaijak Tripura dophani srwngnairokno borom balai yaphargwi lamjojakkha.

Shantirbazarni Debdaru Community Hallgo songchajak i borom balai yapharma panani chengsaphang aro naruaiokra ongoi thangoi majakkha Tripura dophani Naran machang Birendra Tripura.

Tripura Chubalai Buthu, Central Committeeni twiphang Tripura Swrwngnai Buthu, Central Committeeni tangphang Samir Tripura I panago naruai motom ongoi phai majaknai.

TCS Officer Brajendra Tripura, TSR Asstt. Commandant Kiran Tripura, Dr. Sanjit Tripura, South Zoneni Deputy Naran Sena Mohan Tripura I panani boromgnang naruai ongoi majakkha.

Panani achokphang ongoi achokha Tripura Chubalai Buthu, Shantirbazar Moyalni twiphang Nabinta Tripura.

I borom balai yapharma panago Shantirbazar Moyalni takhlai Madhyamik aro Kuchuk Madhyamik Examination daiyo pass khlaijak Tripura dophani srwngnairok aro amchaini okra-chakrarokno thangoi majakkha.