Khna Debdarugo Madhyamik aro Kuchuk Madhyamik Pass Khlainairokno Borom Yapharnai TCB Shantirbazar Moyal

29 July 2023, Agartala: phainai 30 July salmarigo Tripura Chubalai Buthu, Shantirbazar Moyalni bwkhaktwi takhlai Madhyamik aro Kuchuk Madhya...

29 July 2023, Agartala: phainai 30 July salmarigo Tripura Chubalai Buthu, Shantirbazar Moyalni bwkhaktwi takhlai Madhyamik aro Kuchuk Madhyamik Examination daiyo pass khlaijak Tripura dophani srwngnairokno borom balai yaphargwi lamjojaknai.

Shantirbazarni Debdaru Community Hallgo songchajak i borom balai yapharma panani chengsaphang aro naruaiokra ongoi thangoi majaknai Tripura dophani Naran machang Birendra Tripura.

Tripura Chubalai Buthu, Central Committeeni twiphang Sachindra Tripura, tangphang Taranisen Tripura, Tripura Swrwngnai Buthu, Central Committeeni tangphang Samir Tripura, twiphang Tamal Tripura I panago naruai motom ongoi phai majaknai.

TCS Officer Brajendra Tripura, TSR Asstt. Commandant Kiran Tripura, Dr. Sanjit Tripura, South Zoneni Deputy Naran Sena Mohan Tripura I panani boromgnang naruai ongoi phai majaknai.

Panani achokphang ongoi achoknai Tripura Chubalai Buthu, Shantirbazar Moyalni twiphang Nabinta Tripura.

I borom balai yapharma panago Shantirbazar Moyalni takhlai Madhyamik aro Kuchuk Madhyamik Examination daiyo pass khlaijak Tripura dophani srwngnairok aro amchaini okra-chakrarokno phai majakni bagoi khabai khukbai haido khlaikhoka Tripura Chubalai Buthu, Shantirbazar Moyalni twiphang Nabinta Tripura bai tangphang Rabindra Tripura.