Asstt. Teacher Asha Tripura Thwimanino Justice Biywi Khorang Tisaka Bangladeshni Kaibrwi Brwi Bodol

29 July 2023, Khagrachari, Bangladesh: Khagrachari Districtni Matiranga Upazilani Tapta Master Para Govt. Primary Schoolni Asstt. Teacher A...

29 July 2023, Khagrachari, Bangladesh: Khagrachari Districtni Matiranga Upazilani Tapta Master Para Govt. Primary Schoolni Asstt. Teacher Asha Tripura bo basai Udipan Tripura aro basa khoroknoino lagwi Khagrachari dolini Mahajan Parago nokchorai tongoi tongwk. 

Mator thangnai 21 July salmarigo Asha Tripura uanamasangsa khlai thwiywk. Poila mokha (heart attack) ongoi thwiyo hinoi nukhungni borokrokni bwkhaktwi sajakmani olo thwinai Asha Tripurani Sako, bokhorogo, khangao bu-tok khlaijakmani mari, kwsa gnang pilik social media gnangoi lukjak (viral) nugoi Asha Tripurano pre-planned khlai buthakhna hinoi koksilchajakkha. Iboni bisingo patimwng bai yak krwngjak tongkhna hinoi bwsai Udipan Tripurano romkha Bangladeshni Police.

Tabok i patimwngno lagwi Bangladesh hagnangoi uanalaijak aro kha khamlaijak. I patimwngni justice biywi kabangma bodol aro kabangma sijak-nujak lukurok lama akholai khorang tisalaikha.

I patimwngni kwbwi justice biywi thangnai 26 July salmarigo Khagracharini Shahid Meenar baskango thainchakhlai khorang tisalaikha Khagrapur Mohila Kalyan Somiti, Women Activist Forum, Women Resource Network aro YWCA.