IPFT BOBODOLNI OJAMAROK INTERLOCUTOR A.K MISHRA BAI MALAIKHA

28 July 2023, New Delhi:  MHA Northeast Regionni Advisor ebakhlai Interlocutor Akshay Kumar Mishra bai malaikha IPFT bodolni ojamarok. Miya ...

28 July 2023, New Delhi: MHA Northeast Regionni Advisor ebakhlai Interlocutor Akshay Kumar Mishra bai malaikha IPFT bodolni ojamarok.

Miya IPFT bodolni ojamarok New Delhigo Ministry of Home Affairs Northeast Regionni Advisor ebakhlai Interlocutor Akshay Kumar Mishra aro Home Affairsni ojamarok bai malaikha.

Tipra Motha aro bobagrani phaichingtwi Interlocutor sitongnani khorang tisagoi phaimani, paithago miyano Interlocutor Akshay Kumar Mishra bai malainani sep ongwk Tripura hasteni Regional Partyni ojamarok. I malaimwngo IPFT bodolni ongoi IPFT Central Committeeni twiphang ebakhlai kacham montriokra Prem Kumar Reang, tangphang yakchu ebakhlai hasteni montriokra Sukla Charan Noatia, tangphang Swapan Debbarma, IPFT Advisory Committeeni kasku Krishna Kanta Jamatia song thangoi majakkha.

IPFT bodolni ojamarok Interlocutor AK Mishra bai i malaimwngo bokni bisingo Tipraland bimwngno lagwide kokmalama onglaikha ebakhlai High Power Modalityno lagwide kokmalama onglaikha ibo tabokbo sraichaya.