16 June 2023, Agartala: Tiprasarokno ‘Chinese’ hinoi kutukkha aro lachimasangcha khlaika INDEPENDENT koktma channel. Bari selengmasangcha sa...
16 June 2023, Agartala: Tiprasarokno ‘Chinese’ hinoi kutukkha aro lachimasangcha khlaika INDEPENDENT koktma channel. Bari selengmasangcha samwng.
Thangnai 14 June salmarigo Kokborokno Roman Script bai gosemwng biywi Tipra Indigenous Students’ Federation (TISF)ni ringmwng bai Raj Bhavan Abhijanni Mass Rally Movement songchajakkha. O salni chobano media coverage khlaithanigo INDEPENDENT bwmwngoi kaisa koktma channel Tiprajwkrokno “Chinese Aunty” hinoi thechra khlaika aro lachimasangcha khlaika. Ibo simingya, o koktma channel Tirasarokno chok lwngoi movemnetgo phaiywk hinoibo lachimasangcha khlai koksilchakha.
Iswk baibo thakya, Tiprasarokno gunda, bakpar, lengto kokthai bai lachima khlaimani nujakkha INDEPENDENT koktma channel.
Tiprasarok Barot ha amani basa ongoise Tiprasarokno ‘Chinese’ hinoi barikhlai thechra khlaimani bisingtwi Barotni habasa aro North-East amchaini habasarokno lachima khlaika. Nini ani hinoi Barotni basarokno khak khagoi kok saka o koktma channel.
Tiprajwkrokno ‘Chinese Aunty’ hinmano lagoi Tripura hani bobagra boromgnang Pradyot Kishore Manikya social mediani bisingtwi khorang tisaka--
“Calling our tiprasa women “Chinese Auinty” is blatant racism. Is this the way to address a fellow Indian ? We often face such language towards our brother and sisters from northeast elsewhere in the country but to be called like this in our own state is a shame ? I am sure no action will be taken on this racist jibe”.
Barot ha amani basarokno 'Chinese' hinoi lachimasangcha khlaimano lagwi Tripura hapangni naimwthang bodolrok INDEPENDENT koktma channelni sakago tma yapri seno ibo naiywi naithai!
No comments