BIRENDRA TRIPURA CHONGJAKKHA CHAWMANU SUB-ZONALNI KATAL ACHOKPHANG

Nokphang June 17, 2023 Tripura

17 June 2023, Khumulwng: TTAADC-go Tipra Motha hapang phaimani olo chorok Sub-Zonal, Zonal daiyo katal committee khaka. Dhalai Zonalni bisin...

17 June 2023, Khumulwng: TTAADC-go Tipra Motha hapang phaimani olo chorok Sub-Zonal, Zonal daiyo katal committee khaka. Dhalai Zonalni bisingo khopjak Chawmanu Sub-Zonal daiyobo Chawmanu Sub-Zonal Development Committee khajakkha. O committeeni achokphang ebakhlai Chairman chongjakkha machang Ratanjoy Tripura.

Thangnai 23 February 2023 bisigo Sub-Zonalni achokphang Ratanjoy Tripura sak hamya ongoi achamitini langma chomani bai Chairmanni achokthai bwkcha ongwk.

Nokha talthamni salaibo kabang jora o achokphangni achokthai bwkcha ongoi tongphabo katal chairman sitongjakya tongmani. Paithago thangnai 14 June 2023 salmarigo Chawmanu Sub-Zonalgo katal achokphang sitongwk.

TTAADC-ni Chief Executive Officeni siming F.No.3(23)/ADC/VC/Zone/Sub-Zone/2021/2858-67, dated, Khumulwng, the 14.06.2023 notification blaini bisingtwi Chawmanu amchaini Tipra Mothani tangkra machang Birendra Tripurano Chawmanu Sub-Zonal Development Committeeni katal achokphang sitongoi rogwk.

No comments

Subscribe to: Post Comments (Atom)