PHAINAI 26 JUNE TRIPUR KSHATRIYA SAMAJ SONGCHANAI ‘KHARCHI MATAI TER’

22 June 2023, Agartala: phainai 26 June salmarigo Tripur Kshatriya Samajni bwkhaktwi khlai Agartala Town Hallgo songchajaknai sirisitini Kharchi Matai Ter. 

I terno chengoi ronai Tripura hani bobagra Maharaja Pradyot Kishore Manikya. 

Naruai mutum ongoi phaiywi majakphainai Council of Tiprasa Hodani Convenor Padmalila Jamatia, suikrwng Naresh Chandra Devvarma, habayakajak sakgam aro nukhung hamkrai bedekni dagephang Dr. Sudhir Debbarma.

Boromgnang naruai ongoi phaiywi majakphainai Tripura dophani Naran Birendra Tripura, Jamatia Hodani Hodaokra Bipra Kumar Jamatia bai Manindra Mohgan Jamatia, Kaskau Rai Parishadni Kaskau Kripajoy Reang, Kalai Samajni Rai Mangal Pada Kalai, Bru Songrongma  Mthohni tangphang Khanaram Reang, Rupini Welfare Socirtyni twiphang yakchu Chandraday Rupini, Murasing Hodani tangphang Sunil Murasing, Marak Samajni Rowaja Subash Marak, Tripur Kshatriya Samajni kasku Aamrendra Debbarma, Molsom Dophani Rai Kaidin Bakta Molsom, Noatia Dophani twiphang Udai Singh Noatia, Uchai Samajni Sarpa Lawrence Uchai, Hrangkhawl Dophani Rai Silim Kumar Hrangkhawl aro Kaipeng Dophani Rai Lopuila Kaipeng. 

I panani achokphang ongoi phai majaknai Tripur Kshatriya Samajni twiphang Jogendra Debbarma. 

I ter rwgwi songchajak panago nokno khamkano phaiywi majakni bagoi khabai khukbai haido khlai ringkha Tripur Kshatriya Samajni tangphang Manoj Debbarma.