Montriokra bai Malaikha IPFTni Ojamarok

Nokphang June 25, 2023 Tripura

25 June 2923, Agartala: miya IPFT bodolni ojamarok Tripura hasteni montriokrani Prof. (Dr.) Manik Saha bai thangoi malaikha. Hasteni montri...

25 June 2923, Agartala: miya IPFT bodolni ojamarok Tripura hasteni montriokrani Prof. (Dr.) Manik Saha bai thangoi malaikha.

Hasteni montri Sukla Charan Noatiani twidulmwng bai IPFT bodolni ojama montriokra bai malaiphu hasteni Tiprasarokni hamkraini bagoi bwskangni salgo gamyapri segoi samwng khlaithanigo BJP bodol bai kwthalai halok krwngoi tongnani bagoi chubachu rolainani kok salaijakkha hinoi koktma aro IPFTni phaisingtwi kangsa memorandum blaibo yapharjakkha.

I malaimwngo IPFT bodolni ongoi montri Sukla Charan Noatiani logego tongo kacham montri aro IPFT bodolni twiphang Prem Kumar Reang, kacham MLA Prashanta Debbarma, kacham MLA Sindhu Chandra Jamatia, IPFTni tangkra Krishnakanta Jamatia, Swapan Debbarma, Budhiman Debbarma song thangoi majakkha.

No comments

Subscribe to: Post Comments (Atom)