KOHM-NI KANGBA KATAL BIJAP PHIYOKJAKKHA

25 June 2023, Agartala : miya ‘Kokborok Tei Hukumu Mission (KOHM)’ bai sapaiywi karejak kangba katal bijap phiyogoi rojakkha. Agartala Krish...

25 June 2023, Agartala: miya ‘Kokborok Tei Hukumu Mission (KOHM)’ bai sapaiywi karejak kangba katal bijap phiyogoi rojakkha.

Agartala Krishnanagarni Dr. Bijoy Debbarmani tongthai nogo sareni dambrwi jora atlogo kaisa pana songchajakmani bisingtwi i kangba katal bijapno phiyogoi rojakkha. 

Miya Kokborok Tei Hukumu Mission (KOHM) bai karejak i kangba katal bijaprokni bisingo tongo-

1. Hapingo Srapsa- brwirokni koklop 

2. Republic of Jailand- Chandramani Debbarma 

3. Holongo Swijak Kokbiti- Dr. Bijoy Debbarma 

4. Tipra Jatir Bhagya- Aghore Debbarma 

5. Tipra Jati Bhishoye- Binoy Debbarma

I katal bijap phiyokma panago KOHMni twiphang Dr. Bijoy Debbarma, tangphang Binoy Debbarma, suikrwngjuk Shyamali Debbarma, Balirani Jamatia, Sharmila Debbarma, Urmila Debbarma aro KOHMni adongrok thangoi majakkha.