25 June 2023, Agartala: khna Tripura hasteni Tiprasarokni sirisitini ter Kharchi Ter songchajakni thangoi tongwk. Kharchi Ter tabok bana Tip...
25 June 2023, Agartala: khna Tripura hasteni Tiprasarokni sirisitini ter Kharchi Ter songchajakni thangoi tongwk. Kharchi Ter tabok bana Tiprasarokni ter hinoi tongliya, ibo Tripura hasteni kaisa tergars hinoi hohom-dodomni bisingtwi palaijagoi tongwk. Bisi kabangma sakangni jiming i ter rwgwi haste hapang salchani habalengkhomabo saklaijak.
Khna Tripura hapangni phaichingtwi kacham Habeli ebakhlai Khayerpurgo Kharchi Matai ebakhlai chibrwi matainogo songchajaknai garakhlai ter. I ter salsni rwngoi ongnai.
Kharchi Terno baksaba Chibrwi matai ter hinoibo salailaiywk aro sinilaiywk.
Takhlaini sirisitini Kharchi Ter ebakhlai Chibrwi Matai Ter rwgwi chibrwi mataino loboi rachapjak rachapmwngbo karejakni thangoi tongdok.
Hasteni Kokborokni rachapkrwngrok machang July Debbarma, machangjuk Sadhana Reang aro machang Adhiraj Debbarma bai rachapjak Chibrwi Matano loboi rachapjak rachapmwng tinino karegoi rojaknai.
Sirisitini Kharchi Matai ebakhlai Chibrwi Mataino chorok lukurokni daiyo arobo gam sinimwng maronani, lukurokni daiyo kasokroni, boromroni aro bini laibumano rwngoi larwkni bagoi Kharchi Mataino lagwi rachapmwng karenani yapri sejakkha.
I khnathotok rachapmwngno Lyrics aro Composed khlaika machang Brajalal Debbarma, music rokha machang Milton Debbarma aro recording khlaijakkha Salka Studio.
Chibrwi Matano loboi rachapjak i Kokborok rachapmung THE BOROK FILM PRODUCTION-ni YouTube channel aro Facebook page daiyo tinino release ongnai ebakhlai karegoi rojaknai. Nohk i katal rachapmwngno nainani taplokdi.
No comments