Kokborokni Roman Script: 21 June TSF Memorandum Yapharnai Hastephano

20 June 2023, Agartala: Kokborokno Roman Script bai gosemwng biyawi tabok Tripura haste gnangoi khorang tisalaijak lukurok. Kothe kothe jora...

20 June 2023, Agartala: Kokborokno Roman Script bai gosemwng biyawi tabok Tripura haste gnangoi khorang tisalaijak lukurok. Kothe kothe jorago kothe kotho bodol, lukuadongrok hastepha, montriokrarokni daiyo kokton blai yapharlaijak. Mator hapang Tiprasani thoibai krwngjak bimwng aro kha khammani kokno khnaliya. TSF bodolbo poilani simingno Kokborokno Roman Scriptni gosemwng biywi khorang tisagwi phaijak. Tabok arobo khorang tisani thangoi tongwk.

Khna 21 June 2023, phurungni 11:00 jora atlogo Kokborokno Roman Script bai gosemwng biywi ‘Twipra Students’ Federation (TSF)’ srwngani bodol Tripura hasteni hastepha bai malaiywi memorandum blai yapharnani thangoi tongwk. Ibono lagwi Radhanagarni siming Raj Bhavan jora kaisa himbotok himjaknai hinoi miya 19 June salmarigo TSF-ni kaisa saklaimwng blaini bisingtwi lukurokno saklaikha TSF, Central Committeeni tangphang Hamalu Jamatia.