12 February 2023, Kanchanpur: phainai 16 February Tripura Legislative Assemblyni chongbari. I chongbarini sakango Kanchanpurni Naising Parag...
12 February 2023, Kanchanpur: phainai 16 February Tripura Legislative Assemblyni chongbari. I chongbarini sakango Kanchanpurni Naising Parago Bru Rehabilitation Camp daiyo thangoi beraikha aro oro tongnai Bru takhuk-bukhuk songbai thangoi malaiywi bokni gam-hamyani kokno khnaka bobagra Pradyot Kishore Manikya.
Naising Parani Bru takhuk-bukhuksong bobagrano loge manoi khatonglaijak
Bobagra Kanchanpurni Naising Parago Bru lukurok bai malaiywi kokmalama salaimani olo lukurokni baskango sraichakhlai kok rokha, Naising Parago tma tma jwngjal tong nohk raida snamgwi kokchaplaiywi ibono ibono nango hinoi suiywi Bobagrano, EM Bhaba Ranjan Reangno, Phillip Kumar Reangno memorandum blai yaphardi. Tipra Motha hapango phran phaiklai 150 daysni bisingo jai-jaikhlai nohkni jwngjalno samwng charogoi phununai. Tomwng khlaiya hinklai ani baithangni bogoni rang nohkno rogoi samwng khlaironai. Mator chwng thaincha ongni nangnai.
Bobagra Pradyot Kishore Manikya arobo saka, chwng Amarpurgo Ashiram Reangno rokha, chwng Shantirbazargo Harendra Reangno rokha, iro (Kanchanpur) Phillip Kumar Reangno rokha, chwng Gondatwisago (44-Raima Valley) Nandita Debbarma Reangno rokha. Jora salcha sopainai Tripura hago khorokdok khoroksni Reang Bru MLA ongnai hinoi.
Bo Naising Parago thangoi Brurok bai malainani kokno social mediani bisingtwi saka,
"Visited the Bru Rehabilitation Camp today at Naising Para (Kanchanpur). I have always reiterated that the Brus have suffered the most and what’s being done today by the people in power is not enough".
No comments