Ambassago BJPni Lukukuthungmwngo Montribokhrok Narendra Modi

12 February 2023, Ambassa: miya BJP bodolni batainairokno support khlaiywi Ambassago kaisa luku kuthungmwng pana songchajakkha. Luku kuthun...

12 February 2023, Ambassa: miya BJP bodolni batainairokno support khlaiywi Ambassago kaisa luku kuthungmwng pana songchajakkha. Luku kuthungmwng panago Ambassa, Raima Valley, Surma, Kamalpur achokthai daiyo BJP bodolni batainairokno support khlaiywi auaimwng bai kaplai khlainani bagoi Barotni boromgnang montribokhrok machang Narendra Modibo phaiywi sopaijak.

Logego tongo Lok Sabha Salka Tripura achokthaini MP machang Rebati Tripura, Tripurani montri Manoj Kanti Deb, Bhagaban Chandra Das, BJP Janjati Morcha Tripura Pradeshni twiphang Bikash Debbarma, aro Ambassa, Raima Valley, Surma, Kamalpur achokthai daiyo BJP bodolni ongoi batainairok.

Takhlaini Assembly chongbari jesa bodolni bagoi barikhlai nangmani haiklai nujagwi tongwk. National partyni auaimwng daiyo Delhini gara gara ojamarok tabok Tripura ha kwplwng chajak. I chongbarigo hapang BJP bodolbo yaisi sengcha achokthai yakanani soiya, aini bagoi hagara beremni MP, montri, hagira beremni montriokrani siming chengoi BJPni hagara beremni ojamarok phaiywi sopaijak.

Jesa bodolni hagara beremni ojamarok phaiywi kok gara gara khnarogwi thangpabo Tripura hani lukurok voterrok 16 February salmarigo sorono vote rogoi kaplai khlaino ibo aro salkisani bisingo sraicha ongnai!