Ambassago Tipra Mothani Mega Mass Gathering

9 February 2023, Ambassa: Tripura Legislative Assemblyni chongbari aro saldokse tongsiywk. Tabok chorok political bodol jani jani batainaino...

9 February 2023, Ambassa: Tripura Legislative Assemblyni chongbari aro saldokse tongsiywk. Tabok chorok political bodol jani jani batainaino kaplai khlaini bagoi chongbarini auaimwngo akholaijak.

National partyni chongbarini auaimwngo jonom katal katal ojamarok phaiywi chongbari auaiphaiywk. BJP, Congress, CPI(M) bodolni Centralni ojamarok dari dari phailaijak bokni bodolni batainairokni ongoi auaini bagoi.

Mator Tipra Mothani ongoi poila aro paithak auaimwngo bobagra simingse. Tripura hani chorok achokthai daiyo bobagrano thangoi sai-sai lukurokni kacharo hamjakma lagwi Tiprasani paithak chobano loge rogoi Tipra Mothano vote rogoi kaplai khlaini bagoi sathangwk. 

Tinibo Ambassago Tipra Mothani Mega Mass Gathering songchajagwk. Iro thangoi manjagwi Tipra Mothani ongoi 24-Ramchandraghat achokthai daiyo batainai Ranjit Debbarma, 26-Asharambari achokthai daiyo batainai Animesh Debbarma, 29-Krishnapur achokthai daiyo batainai Mahendra Debbarma, 44-Raima Valley achokthai daiyo batainai Nandita Debbarma Reang, 47-Ambassa achokthai daiyo batainai  Chitta Ranjan Debbarmano kaplai khlaini bagoi lukurokni daiyo kok kwcharkha.