Exit Poll bai Opinion Pollno Lagwi Mediarokno KOKMALAMA Panago Ringkha CEO

9 February 2023, Agartala: phainai 16 February Tripura Legislative Assemblyni General Electionni salmari. Iboni sakango kabangma media ebak...

9 February 2023, Agartala: phainai 16 February Tripura Legislative Assemblyni General Electionni salmari. Iboni sakango kabangma media ebakhlai koktma auainairok jani jani naiphilmwng bai Exit Poll, Opinion Pollrok khlaiywi tongwk.

I Exit Poll aro Opinion Pollno lagwi Tripura hagirani koktma auainairok bai kokmalama salaini bagoi koktma auainairokno ringkha Chief Electoral Officer, Tripura.

Khna 10 February diphrwkni 1:00 PM jorago Salthang Tripura hangkorni DM & Collector habanokni Conference Hall daiyo Tripura Legislative Assemblyni General Election rwgwi Exit Poll, Opinion Pollno lagwi kokmalama salaijaknai hinoi koktonni bisingtwi saklaikha Tripura hani ICA bedekni dagephang Ratan Biswas.