Chawmanugo Tipra Mothani Mega Mass Gatheringo Bobagra

9 February 2023, Chawmanu: 49-Chawmanu chongbari achokthai Tipra Mothani ongoi batainai ongkha amchaini khachuksa hinoi sinijaknai machang H...

9 February 2023, Chawmanu: 49-Chawmanu chongbari achokthai Tipra Mothani ongoi batainai ongkha amchaini khachuksa hinoi sinijaknai machang Hangsa Kumar Tripura. 

Aro saldokni olo Assembly chongbari ongnai. I chongbari rwgwi Tipra Mothano kabang vote bai kaplai khlaini bagoi tini Chawmanugo garakhlai Tipra Mothani Mega Mass Gathering songchajakkha.

I Mega Mass Gathering songchamani bisingtwi Tipra Mothani ongoi batainai machang Hangsa Kumar Tripurano vote rogoi kaplai khlaini bagoi lukurokno thangoi kokkwcharkha chini bobagra Pradyot Kishore Manikya.

Chawmanu hatini thwngkholago kuthungjak tinini i Mega Mass Gatheringo phaiywi majakjak sai-sai lukurokni thainchani khorang Tiprasani jwngjalni yak kaknani aro Greater Tipraland bimwngni Tipra Mothani paithak chobago kaplai khlaimanai.