MDC Hongsha Kumar Tripura Nomination Blai Yapharka

31 January 2023, Chailengta: 49-Chawmanu Assembly chongbarigo Tipra Mothani ongoi batainai machang Hongsha Kumar Tripura miya Longtrai Valle...

31 January 2023, Chailengta: 49-Chawmanu Assembly chongbarigo Tipra Mothani ongoi batainai machang Hongsha Kumar Tripura miya Longtrai Valley SDM Officego Returning Officerni daiyo bini nomination blai yapharka.

Satai klaiywk, machang Hongsha Kumar Tripura tabok khoroksa MDC ebakhlai TTAADCni khorokcha adong.

Miya bini nomination blai yapharmani olo koktmathungnairokno saka, thangnai bisiba jora rwngwi Tripura hago BJPni raida chaiyakhlai hapang naikoljagoi tongwk. BJP Tiprasarokni hamkrai naiya, bana sakni hamkraise naiywk. BJP bodol Tiprasani hamkrai naiya, aini bagoi TTAADCno rang hoya. TTAADC amchaini lama hamya, lwngjaknai twi krwi, rwngnok tongoibo phrwngnai krwi, sakgamni sep-sap krwi. 

Aini bagoi ang sakni achokthaino torjakyagoi TTAADCni kebengnai bodolni ojama aro BJP bodol yakagwi thainchani lamago bobagrano loge roni hinoi Tipra Mothago yapri rokha.

I amchaini lukurokni jwngjalni kokno Assemblygo kasokroni bagoi bobagra ano batainani sep rokha. Bobagrani thaincha aro Greater Tipraland bimwngno lanani bagoi Tipra Mothano vote rogoi kabangma voteni pherbai kaplai khlaidi hinoi lukurokni daiyo haido khlaika.