TPCC-ni President Birajit Sinha Nomination Blai Yapharka

31 January 2023, Kailashahar: Kailashahar chongbari achokthai daiyo Congress bodolni ongoi batainai Birajit Sinha miya nomination blai yapha...

31 January 2023, Kailashahar: Kailashahar chongbari achokthai daiyo Congress bodolni ongoi batainai Birajit Sinha miya nomination blai yapharka.

Satai klaiyo, Birajit Sinha ongkha Tripura Pradesh Congress Committeeni President.

I achokthai daiyo Left-front Congress kwthalaijak bodolni ongoi Congressno achokthai romani bagoi CPI(M) bodolni MLA Moboshar Ali chongbarigo batainani sep rojakliya. CPI(M) bodolni batainani sep maya ongmanai MLA Moboshar Ali CPI(M) bodol yakagwi BJP bodolni bana rwngkha. BJP bodolgo yapri romabai bono BJP bodol o achokthai daiyo arouaisa batainani bagoi sep rokha.

CPI(M) bodol bokni MLA kamajak achokthai daiyo Birajit Sinhano bacharogoi arouaisa Left Front-Congress kwthalaijak bodol i achokthaino pherogoide twbwimano ibo amchaini lukurok ebakhlai voterrokse kok sanai.