Agartala : phainai 2023 Tripura Assembly chongbari jesa bodolni bagoi bari nangmani. Aro kisa salni bisingo chongbarini salmarirok saklaijak...
Agartala: phainai 2023 Tripura Assembly chongbari jesa bodolni bagoi bari nangmani. Aro kisa salni bisingo chongbarini salmarirok saklaijakmano. Iboni bisingo tabok kothe kothe bodol jani ja bodolno krak khlaimani bisingtwi phran phununani chengkha.
Tabok yaksibodol haphango kebengnai bodol gara. Bokbo nanai jesakhlai phano sakni kwmajak achokthaino pherogwi twbwinani. Tabok kacham MP machang Jitendra Chaudhury CPI(M) Tripura hasteni tangphang chongjakmani olo yaksibodolni phran salni sal bangsai phaimani nujagoi tongwk. Ibo kaisa phunumari ongkha miya Agartalani Astabal Maidano songchajak CITU Tripurani kaisa gara khlai luku kuthungmwng pana.
I luku kuthungmwng panago CPI(M) Tripura haste tangphang machang Jitendra Chaudhuryno lagwi hasteni kebengnai bodolni ojama Manik Sarkar aro yaksi bodolni kabangma lukuojamarok phaiywi majakkha.
CITU bai songchajak miyani I luku kuthungmwng panago phaiywi majakjak twisbong kchaujak lukurokni khorang jesa bodolni bagoi kaisa challenge ongoi bachanai ibo aro satai kok krwi. Miyani luku kuthungmwngo phaiywi majakjak sai-sai lukurok phainai 2023 Assembly chongbarini bisingtwi CPI(M) bodol sakni kamajak achokthaino arouaisa pherogoi lanani chaitoklainai, i kokno knorogwi maya !
No comments