Tripura Chubalai Buthuni 10th Central Conference Hohom-Dodomni Bisingtwi Songchajakkha Gondatwisa: Thangnai 7-8 January 2023 salmarigo Dolai...
Tripura Chubalai Buthuni 10th Central Conference Hohom-Dodomni Bisingtwi Songchajakkha
Gondatwisa: Thangnai 7-8 January 2023 salmarigo Dolai Hangkorni Gondatwisagni Block Level Institute of Teacher Education daiyo salnoi jora rwngoi Tripura Chubalai Buthu, Central Committeeni 10th Central Conference pana songchajakkha.
Bodolni banano tisagwi pana chengoi rokha Tripura Chubalai Buthu, Central Committeeni twiphang machang Sachindra Tripura. Iboni olo Tripura Chubalai Buthuni takhlai bisini calendar aro 'Hanrtwng' bwmwngoi Tripura Kokbai katal koktma balaino karegoi rojakkha. I koktma balaino kokmithingka katal jorani suikrwng machangjuk Jabanika Tripura aro karekha Tripura Writers' Forum. I koktma balai nokha taldok rwgwi karejak koktma balai.
Conferenceni poila salgo naruai ongoi phaiywi majakkha MLA machang Nirajoy Tripura, Lalit Mohan Tripura, TTAADC-ni kacham EM machang Pratiram Tripura, Tripura dophani Naran machang Birendra Tripura, Chubalai Buthu, Central Committeeni twiphang machang Sachindra Tripura, tangphang machang Taranisen Tripura, Tripura Brwi Buthu, Central Committeeni tangphang machangjuk Nilima Tripura, Tripura Chubalai Buthu Sonamura Divisional Committeeni twiphang machang Alipada Tripura, Koromtwisa Moyalni Pomang Gasa Kumar Tripura, Tripura Swrwngnai Buthu, Central Committeeni tangphang Samir Tripura, kabangma Tripura Moyalni Pomang, Roaja aro Tripura Chubalai Buthu, Tripura Writers' Forum, Tripura Swrwngnai Buthu, Tripura Brwi Buthu, Tripura Employees Association, United Tripura Youth Associationni okra-chakrarok.
Panani paithak salgo pana chengmani olo Tripura kokbai koktma balai 'Uakhring', Issue No.2 karejakkha. I koktma balaino kokmithingka katal jorani suikrwng machang Khumpui Ray Tripura. I koktma balai nokha taldogo kangsa khlai karejagoi tongwk. I koktma balaino sapaiywi karekha Tripura Writers' Forum, Central Committee.
Conferenceni paithak salgo phaiyoi manjakkha kacham MLA machang Nirajoy Tripura, kacham MLA machang Burba Mohan Tripura, Tripura dophani Naran machang Birendra Tripura, Tripura Chubalai Buthu Advisory Committeeni katal chongjak kasku machang Prasun Kanti Tripura, Chubalai Buthu, Central Committeeni twiphang machang Sachindra Tripura, twiphang yakchu machang Dhirendra Tripura, tangphang machang Taranisen Tripura, tangphang yakchu machang Sanmani Tripura, Charendra Tripura, rangphang Damodhar Tripura, Organizing Secretary Charu Kumar Tripura, Tripura Brwi Buthu, Central Committeeni tangphang machangjuk Nilima Tripura, Tripura Chubalai Buthuni kothe kothe Divisional Committeeni twiphang/ tangphang, Tripura Writers' Forum, Central Committeeni twiphang machang Dharinjoy Tripura, UTYA Central Committeeni tangphang Adv. Hirendra Tripura, aro kabangma Tripura Moyalni Pomang, Roaja aro Tripura Chubalai Buthu, Tripura Writers' Forum, Tripura Swrwngnai Buthu, Tripura Brwi Buthu, Tripura Employees Association, United Tripura Youth Associationni okra-chakrarok.
Panago TCBni kothe kothe moyal committeeni report sagwi khnarokha Moyalni twiphang/tangphangrok. Tripura Customary Lawno gamkhlai Tripura hodago phnangnani, hukumu mukumuno rwngoi larwknani aro bodolno krak khlai tisani bagoi nangmani kokmalama salaijakkha aro kokchaplaijakkha.
Panani paithago machang Sachindra Tripurano Twiphang aro machang Taranisen Tripurano tangphang, Publication Secretary Dharinjoy Tripura, Cultural Secretary Bashi Mohan Tripura, Educational Secretary Amit Tripura, Office Secretary Pranajit Tripura, Adv. Hirendra Tripura bai Adv. Nabaratna Tripurano Legal Cell chongoi khorok 63 adongno lagwi Tripura Chubalai Buthuni katal Central Committeeni bwmwng saklaijakkha.
Machang Prasun Kanti Tripurano kasku snamgwi khorokchuku adongno lagwi Tripura Chubalai Buthuni Advisory Committeeni bwmwng saklaijakkha.
No comments