Barotni Union Tribal Affairs Montri Arjun Munda bai Malaikha Tripura Dophani Naran

31 January 2023, New Delhi: Tripura dophani Naran machang Birendra Tripura tini New Delhigo Barotni Union Tribal Affairs montri machang Arju...

31 January 2023, New Delhi: Tripura dophani Naran machang Birendra Tripura tini New Delhigo Barotni Union Tribal Affairs montri machang Arjun Munda bai malaikha

I malaimwngo Tripura hagirani Tiprasarokni kabangma jwngjalno lagwi kokmalama salaijakkha.

Tripura dophani Naran machang Birendra Tripura bai Union Tribal Affairs Montri Arjun Munda

Satai klaiywk, thangnai 26 January New Delhigo hagara beremni Barotni bisi uaisnichibrwi Lukuphran Sal palaima panago Barotni chorok hagirani khorok rasani salibo kabang hodani samwng-homwng tangnai, Hoda Okrarok, sikrwng-uansokrwngrokno borom rogoi ringkhoka.

I daiyo Tripura hagirani ongoi chlaknoi adong haido khlai ringoi tlangjakkha. Bok ongkha Tripura dophani Naran machang Birendra Tripura bai Jamatia Hodani Hoda Okra machang Manindra Kumar Jamatia.

Bok o panago thangmani sola Union Tribal Affairs montri machang Arjun Munda bai malaini sep ongma ibo Tripura hani Tiprasa rokni bagoi kaisa gam koktma. Tmwi hinba Jabwirogo ibotwi khlai Tripura hani Tiprasa hodani ojamarokno borom rogoi ringoi tlangjakmani koktma khnayakho!