Chawmanu, 9 October 2022: tini barikhlai khatong-khajani bisingtwi Dolai hangkorni Chawmanugo Songchajakkha 'Tripura Writers' Forum...
Chawmanu, 9 October 2022: tini barikhlai khatong-khajani bisingtwi Dolai hangkorni Chawmanugo Songchajakkha 'Tripura Writers' Forum'ni kuthunglaimwng kokchaplaima pana.
Tini phirungni damchisa jorago Chawmanuni Baba Longtrai Seva Ashramni habanok daiyo hasteni suikrwng machang Puspajoy Tripurani achokphang bai songchajakha 'Tripura Writers' Forum'ni salchani kuthunglaimwng kokchaplaima pana.
I panago phaiywi majakkha Tripura Writers' Forum, Central Committeeni twiphang machang Dharinjoy Tripura, Central Committeeni tangphang yakchu Janaka Tripura, Central Committeeni Asst. Office Secretary Kamala Charan Tripura, hodani samwng khlainai Mantrijoy Tripura, Narayan Tripura, katal jorani koklopnai Naba Bandhu Tripura, Tanik Ranjan Tripura song.
Kokchaplaima panago phaiywi majaknai chorok adongrok Tripura kokni hamkrai, Tripura dophani hoda-hukumuni hamkraini bagoi nangmani kokno salaika aro kokboti rolaikha. Ibo badebo talbrumno Chawmanu amchaiyo Tripura kok aro kokrabai, rwngno lagwi amchaini cherai-khnairokno sicharomwng pana khlainani, phekjaknai mandwi-khundwi bai langchagwi tongnani bagoi sicharomwng pana songchanani kok chaplaijakkha.
Tinini Tripura Writers' Forum bai songchajak I kokchaplaima panago Chawmanu amchaini khorok brwichi (40) suikrwng uansokrwngrok phaiywi majakkha.
No comments