Chawmanu, 10 October 2022: hastego haphang katal achogo, slaijago mator Tiprasarokni langma birman kakya. Barot hagara yokmani bisi snichiba...
Chawmanu, 10 October 2022: hastego haphang katal achogo, slaijago mator Tiprasarokni langma birman kakya. Barot hagara yokmani bisi snichiba laikha mator Tiprasa amchaini jwngjal tabokbo huru-muru. Haphang nugwibo nuyaswk.
Iro rojak pilik ongkha Dolai hangkorni Chawmanu R.D Blockni North Longtrai VC-ni Kalpa Mohan Roaja Parani simanglwng koreni lama. I lama jora kolokma rwngwi kama kukjak ha kakhlaijak. O lamatwi sai sai lukurok himlaiywk aro salni ra ra malkhong laiso-laithang khlaiywk. I lamatwi Chawmanu Hatini himing Chawmamu Class XII School, Chawmanu R.D Block, Pohor English Medium School ongoi Kalpa Mohan Roaja Para JB School, Longtrai Mondor ongoi arouaisa Chawmanu Hatigo klaiphaiywk. I lamani tolago ongkha Longtrai Toisa. I lamatwi thanglaiso khlaitanigo barikhlai jwngjalgo klaijak amchaini lukurok, malkhong chalainairok.
Lamabo girasa, iboni bisingose lama khakcha kama kukjak ha kuakjakni bagoi horo-salwk himtani, malkhong chalaithanigo jephruphano garakhlai patimwng patimano I lamatwi.
Aini bagoi Tripura haste haphang bai TTAADC haphang jora tongsani I amchaini lulurokni jwngjalno uansogoi daktwino I lamano snamgwi ronani ongthwk hinoi jonom tisalaiywk khorang.
No comments