'Miss India Northeast Tripura-2022' Kaplai Ongkha Miss Bubar Debbarma

Guwahati, 9 October 2022: Talentica India bai songchajak takhlaini 'Miss India Global Peagant- 2022' Northeast beremni final bataimw...

Guwahati, 9 October 2022: Talentica India bai songchajak takhlaini 'Miss India Global Peagant- 2022' Northeast beremni final bataimwng daiyo 'Miss India Northeast Tripura-2022' kaplai ongkha Miss Bubar Debbarma

I bataimwng thangnai 7 October 2022 salmarigo Assam hasteni Guwahatini Pragjyoti ITA Centre daiyo songchajago. 

I bataimwngo 'Miss India Northeast Tripura-2022' kaplai ongkha Miss Bubar Debbarma. I bataimwngo Tripura hasteni ongoi Northeast beremgo kaplai ongmani bai phainai February 2023 bisigo Mumbai bai Goago songchajakni thangoi tongo National Peagant 'Miss India Global' daiyo Tripura hasteni ongoi batainani sep ongkha Miss Bubar Debbarma. 

Bubar Debbarma bo 'Miss India Global Peagant- 2022' bataimwngo northeast beremni Tripura hasteni ongoi kaplai ongmani bai national beremgo batainani sep manmani ibo Tripura hasteni lukurokni bagoi bari khatongjaknai aro tongthokjaknai koktma. I koktma gamno khnamani olo hasteni sai sai lukurok Bubar Debbarmno khagam aro khatongma yapharlaikha. 

National beremgo bataiywi Bubar Debbarma kaplai ongoi Tripura haste aro Tiprasani mwkhangno kwchwng khlaimanthwk hinoi surilaikha hasteni lukurok, bini nukhungni borok aro jaitimasarok. 

I bataimwngo Miss Bubar Debbarmani ri-chumni naithotok aro hantema khlai bathai-bumul snamnai, supnai ebakhlai designer ongkha Cynthia Debbarma.