TTAADC-ni Katal Leader of Opposition Bimal Kanti Chakma Khumulwng, 14 September 2022: TTAADC-ni katal Leader of Opposition ebakhlai kebengna...
TTAADC-ni Katal Leader of Opposition Bimal Kanti Chakma
Khumulwng, 14 September 2022: TTAADC-ni katal Leader of Opposition ebakhlai kebengnai bodolni ojama chongjakkha BJP MDC Bimal Kanti Chakma
Thangnai 12 September 2022 salgo TTAADC Kokchap Nokni salchani kuthunglaimwng ebakhlai Session songchajakma salgo TTAADC-ni achokphang machang Jagadish Debbarma raida manegwi BJP MDC Bimal Kanti Chakmano TTAADC-ni kebengnai bodolni ojama hinoi saklaikha.
Satai klaiywi TTAADC-ni kebengnai bodolni ojama BJP MDC Hongsha Kumar Tripura thangnai 23 August 2022 salgo BJP bodol yakagwi TIPRA Mothago yapri rogo. Bo bodol slaimani loge loge kebengnai bodolni ojamani achokthaibo yakagwi rogo. Bini bwkcha achokthaigono barja makha MDC Bimal Kanti Chakma.
No comments