Surajit Debbarma Memorial Football Tournamentni Final Thwngmwngo Thangoi Majakkha MP Rebati Tripura Karbook: miya 11 Sept. salmarigo Korboo...
Surajit Debbarma Memorial Football Tournamentni Final Thwngmwngo Thangoi Majakkha MP Rebati Tripura
Karbook: miya 11 Sept. salmarigo Korbook Sub-divisionni Anandabazar daiyo Salka Rising Club bai songchajak uaisni Surajit Debbarma Memorial Football Tournamentni paithak sal. Anadabazar Helipad thwngkhola daiyo Barajananda Para bai Jatindra Parani bisingo final thwngmwng ongkha. Jatindra Para bodol 1-0 goalni pherbai i bataimwng daiyo kaplai ongkha.
I Football bataimwng thangnai 7 August salmarigo chengjakmani, paikha 11 September salmarigo. I bataimwng daiyo kaichidok bodol batailaikha.
Bataimwngni final thwngmwngo thangoi majakkha Lok Saphani boromgnang MP machang Rebati Tripura, Karbook RD Blockni BAC Chairman machang Ashim Tripura aro Karbook Hospitalni MOC Dr. Dhanamani Tripura song.
Kaplai ongnai bodol makha rang khok noichisaini cheque aro chenjak bodol makha rang khok chisaini cheque. Kaplai ongnai aro chengjak bodolno rangni cheque aro trophy tisagwi rokha Lok Sabhani boromgnang MP machang Rebati Tripura.
O thwngkholago achokjaknai gallery tangoi rodi aro phalnokni stall tangoi rodi hinoi bimwng biywi amchaini borokrok Lok Sabhani MP machang Rebati Tripurani daiyo kokton blai ephalaika.
No comments