Rajya Sabha Chongbarigo BJP Bodolni Batainai Nomination Yapharka

Rajya Sabha Chongbarigo BJP Bodolni Batainai Nomination Yapharka Agartala, 12 September, 2022: phainai 22 September salmarigo Rajya Sabha Tr...

Rajya Sabha Chongbarigo BJP Bodolni Batainai Nomination Yapharka

Agartala, 12 September, 2022: phainai 22 September salmarigo Rajya Sabha Tripura hasteni kaisa bwkcha achokthai daiyo chongbari ongnai aro o salgono chong thikijaknai.

I chongbarigo nomination blai yapharjakmani tinino paithak sal.

Haphango achokjak BJP bodolni ongoi Rajya Sabha chongbarigo batainai tini nomination blai yapharka. 

Tini phurungni damchinoi jorago BJP bodolni batainai kacham montriokra machang Biplab Kumar Deb Tripura Legislative Assembly habanogo phaiywi returning officerrokni daiyo bini nomination blai yapharka.

I monination blai yapharphugo batainai machang Biplab Kumar Debni logego tongo hasteni montriokra Dr. Manik Saha, montriokra-yakchu Jishnu Devvarma, Central montri Pratima Bhowmik, Lok Sabhani MP Rebati Tripura, montri Ratan Lal Nath, montri Santana Chakma, montri Manoj Kanti Deb, montri Prem Kumar Reang, montri Sushanta Chowdhury, Govt. Chief Whip Kalyani Roy, BJP Tripura haste twiphang Rajib Bhattacharjee, aro BJP bodolni MLA, bodolni tangrarok song.