Porba Bimwng bai TTAADC-ni CEM bai Malaikha ‘Kokborok Media Forum’

Porba Bimwng bai TTAADC-ni CEM bai Malaikha ‘Kokborok Media Forum’ Khumulwng: Tiprasa mediarokni kabangma jwngjal aro I jwngjalni yak kagoi ...

Porba Bimwng bai TTAADC-ni CEM bai Malaikha ‘Kokborok Media Forum’

Khumulwng: Tiprasa mediarokni kabangma jwngjal aro I jwngjalni yak kagoi hamkraini lamago phainani bagoi tini Kokborok Media Forum porba bimwngno lagwi TTAADC-ni CEM ebakhlai chariphang adong okra machang Purna Chandra Jamatia bai malaikha Khumulwngni Tangnok Kotorgo.

Porba bimwngrokni bisingyo tongo—

1. TTAADC-ni Advertisement Policy daktwi-daktwikhlai tikhlaini ongthwk,

2. TTAADC-ni kothe-kothe tangbedek daiyo mediarokni bagoi sep roni ongthwk,

3. TTAADC haphangni bwkhaktwikhlai mediarokno lagwi kokmalama pana khlairojakni ongthwk,

4. Kokborok Mediarokni bagoi Free Health Insurance  roni ongthwk aro

5. ICAT-ni chorok kokthum chorok Kokborok Media House daiyo ronani ongthwk.

Kokborok Media Forum bai ephajak memorandum blaigo khurchajak median hamkraini bagoi porba bimwngrokno jai-jai khlai naikani khlaijaknai hinoi kokrokha boromgnang chariphang adong okra.

I malaimwng daiyo thangoi majakkha Kokborok Media Forumni twiphang machang Samir Debbarma, tangphang Sailen Koloi aro Kokborok Media Forumni boromgnang adongsong.