Khorokbrwi BJP Booth President Achokthai Yakakha 30.Bagma Achokthaio Udaipur: Tripura hastego BJP haphang achogoi haphang naikani khlaiywi t...
Khorokbrwi BJP Booth President Achokthai Yakakha 30.Bagma Achokthaio
Udaipur: Tripura hastego BJP haphang achogoi haphang naikani khlaiywi tongoibo kabangma amchaiyo tabok BJP bodolni adongrok bokni achokthai yakamani nujakkha. Ibo TTAADC Village Committee chongbarini sakango BJP bodolni bagoi barikhlai uanajaknai aro uansokjaknai.
BJP bodol yakanai, achokthai yakanairok twmwi bodol yakakha iboni sraicha pher kaisabo siya. Achokthai yakanai, bodol yakanai chorokno nukhungni jwngjal aro baithangni jwngalni kok tisagwi sago yakamani blai daiyo.
Thangnai 4 September salmarigo Tripura hasteni Tiprasa hamkrai bedekni montri machang Rampada Jamatiani Assembly chongbari achokthai 30.Bagma achokthaini kaibrwi Boothni BJP Booth President bokni achokthai yakamani koktma chwng sagwi makha.
Achokthai yakanairokni bisingo tongo 30/04 Booth President Sujan Sutradhar, 30/17 Booth President Khokan Chandra Pal, 30/18 Booth President Sushil Pal aro 30/19 Booth President Pradip Sarkar. Bok chlabrwino 30.Bagma BJP Mandal Committeeni Presidentni daiyo achokthai yakamani blai ephaka. Ibo badebo bok hasteni Tiprasa hamkrai bedekni montri Rampada Jamatia bai Gomati hangkorni hangkor twiphang Abhisek Debrayni daiyobo yakamani blaino ephaka. Bok achokthai yakaphabo BJP bodolni adong ongoi samwng tangnai hinoi saka yakama blai daiyo. Tabok naiywi naithai BJP bodolni achokthai yakajakrokno lagwi BJP Tripura haste committee tma yapri seno!
No comments