MSFF, GIFFI, RISFF, ISFF, MEIFF Daiyo Tripura Short Film ‘Sumuini Khorang’ Agartala: ‘Mitee Short Film Festival-2022’, ‘Global Independent F...

MSFF, GIFFI, RISFF, ISFF, MEIFF Daiyo Tripura Short Film ‘Sumuini Khorang’

Agartala: ‘Mitee Short Film Festival-2022’, ‘Global Independent Film Festival of India (GIFFI) 2nd Season’, ‘Reels International Shorts Film Festival-2022’, ‘Indie Shorts Film Festival-2022’, ‘Mumbai Entertainment International Film Festival’ daiyo phunujakni bagoi selection khlaijakkha ebakhlai saiywi lajakkha Tripura hasteni Tripura kokbai snamjak Tripura Short Film ebakhlai muksuma ‘Sumuini Khorang’. 

Iboni bisingo thangnai 13-14 August salmari Maharashtra Puneni BNCA Auditorium daiyo songchajak ‘Mitee Short Film Festival-2022’ daiyo ‘Sumuini Khorang’ selection ongoi phunujakkha. I Short Filmno suinai, snamnai Jacob Tripura boromni bisingtwi ‘Best Director’ni sokatbo ephajakkha.

Tabok arouaisa i ‘Sumuini Khorang’ Tripura Short Film ‘Global Independent Film Festival of India’, Film Education and  Welfare Foundation Aurangabad Present bai songchajak ‘Reels International Shorts Film Festival-2022’,  ‘Indie Shorts Film Festival-2022’ aro ‘Mumbai Entertainment International Film Festival’ daiyo phunujakni bagoi sep manmani ibo Tripura haste aro Tripura kok sanairokni bagoi barikhlai khatongjaknai koktma. Twmwi hinba iboni sakango Tripura hasteni aro krwngsa short film hagara, haiyong beremni film festival daiyo phunujakyakho. ‘Sumuini Khorang’(Song of a Flute) Tripura Short Filmno poila Tripura hasteni ongoi iswk kabangma film festival daiyo phunujakni bagoi selection makha.

Menuti Production bai snamjak I ‘Sumuini Khorang’no (Song of a Flute) suinai aro snamnai ongkha Jacob Tripura. Cinematography khlaika Khapang Tripura, editing khlaika Gabriel Sakachep. 

I Short Film daiyo casting khlainairok ongkha Subhas Tripura, Preity Tripura, Philiksha Tripura, Ajoy Tripura, Chandiram Tripura, Gabriel Sakachep song. 

Hachwk-parago tongnai lukurok thangoi tongnani bagoi jonom bolongo mwi-thai kwthwng naitrugwi hatigo phalni nango. Salcha hatini mwi-thai kwthwng phalgwi nogo phirokphugo politics bai twiduljak themrangrok bai choprojagwk, ibo ongkha i muksumani kokboma. Ibo North-East India amchaini hasterokni politicalni jwngjal dak-dak khlai rwgwi snamjak kaisa muksuma. I muksuma barikhlai naithotok aro politicsni bwmwngoi nini ani ongoi sak kiching sak kebenglaiywi tongmani, sejalaiywi tongmani bai chini hachwk-para amchaini tongkosong tongnai lukurok hamkraini por nuyagwi braikhlai birman klai tongni nangkha ibo I muksumani bisingtwino chwng sraicha khlaiywi sagwi mano.

SUMUINI KHORANG Short Film