Phainai 18 September  'Council of Tiprasa Hoda'ni Poila Annual Conference  Agartala, 14 September 2022 : phainai 18 September 2022 s...

Phainai 18 September  'Council of Tiprasa Hoda'ni Poila Annual Conference 

Agartala, 14 September 2022: phainai 18 September 2022 salmarigo Council of Tiprasa Hoda (A Apex Body of Tiprasa Dopha)ni poila Annual Conference songchajaknai Agartalani Town Hall daiyo.

O salmarini phurungni 10.30 AM jorago panano chengywi ronai aro panago naruaiokra ongoi majakphainai hani bobagra Pradyot Kishore Manikya. 

Bini badebo Tiprasa hodani chorok hoda okrarok panago boromgnang naruai ongoi phaiywi majakphainai. 

Iro satai klaiywk, Council of Tiprasa Hoda ongkha Tripura hasteni chorok Tiprasa hodani bisingo gam halok bomani bisingtwi kwthalaiywi tonglaini bagoi khajakmani kaisa motha. Hoda bai hodani bisingo jesano lagwi jwngjal onglaiywi tongkhlai Council of Tiprasa Hoda jwngjalno yakakroni bagoi samwng tangnai aro tangoi tongwk. 

Phainai 18 September  salmarigo Council of Tiprasa Hodani poila annual conference daiyo chorokno phaiywi majakni bagoi khabai khukbai haido khlaiywi ringkha Council of Tiprasa Hodani convenor ebakhlai Tripura dophani Naran machang Birendra Tripura aro Council of Tiprasa Hodani twiphang-yakchu machang Jogendra Debbarma.