Tripura Hasteni College, Universitygo Chakma Kok Phrwngni bagoi Vice- Chancellor bai Malaikha MLA Sambhu Lal Chakma Agartala , Kokmalama, 3 ...
Tripura Hasteni College, Universitygo Chakma Kok Phrwngni bagoi Vice- Chancellor bai Malaikha MLA Sambhu Lal Chakma
Agartala, Kokmalama, 3 Jene, 2022: Tripura hasteni kabangma rwngnogo tabok Chakma kok phrwngjagoi tongo. Iboni olo jora kalokma rwngwi Tripura hasteni College, Tripura University daiyo Chakma kok phrwngnani bagoi khorang tisajakkha Chakma dophani lukurokni phaichingtwi. Iro satai klaiywk, Tripura hastego BJP-IPFT haphang achokmani olo 49.Chawmanu Assembly chongbari achokthaini MLA Sambhu Lal Chakma Tripurani Assemblygo kok tisaka, Chakma kokno Tripura hasteni kok hinoi gosemwng rodi hinoi. Aiphugoo rwngmontri Ratan Lal Nath saka, Chakma kokno Tripura hasteni kok hinoi gosemwng roni bagoi haste haphangni uansokmwng daiyo tongwk.
Tini machang MLA Chakma kokno Tripura hasteni College, Tripura University daiyo Certificate Course, Diploma aro PG Diploma Course phrwngroni bagoi Tripura Universityni Vice-Chancellor machang Ganga Prasad Prasain bai thangoi malaikha aro ibono lagwi kokmalamabo salaika.
Bok malaimani olo MLA Sambhu Lal Chakma social mediani bisingtwi lukurokno i koktmano saklaikha. Bo arobo saka, i malaimwng daiyo boromgnang Vice-Chancellor Chakma kokbai phrwngnani bagoi yapri sejaknai hinoi bono kok rokha.
No comments